Íslenskur sigur á Seltjarnarnesi | Myndir

Ísland hafði betur gegn Sviss, 27-26, og hefndi þar með fyrir tapið í gær en þetta var annar æfingaleikur liðanna af þremur.

Ísland byrjaði vel í leiknum og var með sex marka forystu í hálfleik, 15-9. Mest varð forystan tíu mörk, í stöðunni 23-13, en Svisslendingar söxuðu jafnt og þétt á forystu íslenska liðsins á lokamínútum leiksins.

Karen Knútsdóttir skoraði tíu mörk fyrir íslenska liðið í kvöld og Þórey Rósa Stefánsdóttir sex. Liðin mætast í lokaæfingaleik sínum á morgun.

Mörk Íslands: Karen Knútsdóttir 10, Þórey Rósa Stefánsdóttir 6, Arna Sif Pálsdóttir 5, Hildur Þorgeirsdóttir 3, Unnur Ómarsdóttir 2, Sunna Jónsdóttir 1.