Ronnie O'Sullivan fékk boð um að hagræða úrslitum

Snókerspilarinn Ronnie O'Sullivan hefur nú viðurkennt að honum hafi einu sinni boðist að hagræða úrslitum fyrir 20.000 pund.

Þetta kemur fram í ævisögu leikmannsins en atvikið mun hafa átt sér stað fyrir tíu árum síðan.

Stephen Lee var á dögunum dæmdur í 12 ára bann fyrir að hagræða úrslitum í sjö leikjum en Lee var í fimmta sæti heimslistans.

„Ég fékk símtal þar sem ég var beðin um að koma í göngutúr út í skó,“ sagði O'Sullivan.

„Ég kannaðist við umræddan mann og maður vill ekki reita hann til reiði. Hann bauð mér  20.000 pund sem var mikill peningur fyrir mig á þeim tíma.“

O'Sullivan  hafnaði boðinu en hann hefur eftir atvikið fimm sinnum orðið heimsmeistari.