Lebron James í hnapphelduna

Lebron James leikmaður Miami Heat kvæntist unnustu sinni síðan í gagnfræðiskóla, Savannah Brinson, í gær.

Margt var um manninn í veislunni, sem var á Grand Del Mar hótelinu í San Diego, en um 200 manns voru viðstaddir þegar þau játuðust hvort öðru.

Mikill viðbúnaður var á meðan herlegheitin fóru fram og segja gárungarnir að allir símar hafi verið teknir af fólki til að passa upp á að engar myndir lækju á netið á meðan á athöfninni stóð.

Segja má að Lebron James sé þá búinn að vinna sér inn „þriðja“ hringinn.