Bangsahommahátíð í Reykjavík

„Bangsasenan er mjög vel þekkt og er  búin að vera til ansi lengi þó að hún hafi ekki náð til Íslands fyrr en tiltörulega seint, við erum late bloomers í þessu eins og svo mörgu öðru.“

segir Frosti Jónsson, einn skipuleggjanda Bears On Ice hátíðarinnar, sem haldin verður í Reykjavík um helgina.

Þá er von á um það bil hundrað og þrjátíu hommum til landsins sem koma gagngert til þess að skemmta sér og hitta aðra homma sem taka þátt í hátíðinni.

Bears on Ice er alþjóðleg hátíð sem hefur farið vaxandi á ári hverju allt síðan árið 2005 þegar þetta byrjaði bara sem lítið partí hjá Frosta og félögum hans.



Samkvæmt vefsíðunni gayiceland.is táknar það að vera Bear innan gay-senunnar að vera loðinn, bangsalegur karl sem gott er að kúra hjá.



„Þetta er bara fyrir stráka, það er eins gott að jafnréttisnefnd komist ekki að þessu,“ segir Frosti og hlær. Hægt er að hlusta á allt viðtalið hér að ofan.