Ohuruogu heimsmeistari í 400 metra hlaupi

Bretinn Christine Ohuruogu vann sinn annan heimsmeistaratitil í 400 metra hlaupi kvenna í Moskvu eftir æsispennandi úrslitahlaup.

Þessi 29 ára hlaupari átti magnaðan lokasprett sem tryggði henni gullið á tímanum 49,41 sekúndum sem er landsmet.

Hlauparinn var aðeins fjórum sekúndubrotum á undan næsta manni.

Ohuruogu varð heimsmeistari árið 2007 og Ólympíumeistari árið 2008 í Peking.

„Ég trúi þessu varla,“ sagði Ohuruogu eftir hlaupið í gær.

„Þetta var eins og í draumi en ég hef unnið að þessu markmiði allt tímabilið. Hlaupið var gríðarlega spennandi  en mig hreinlega langaði meira í gullið.