Helgi heimsmeistari í Lyon | Myndasyrpa

Spjótkastarinn Helgi Sveinsson varð í kvöld heimsmeistari í flokki F42 á heimsmeistaramóti fatlaðra í frjálsum íþróttum í Lyon. Helgi vann dramatískan níu sentimetra sigur á Ólympíumeistaranum frá Kína, Yanlong Fu.

Það var að vonum stór stund þegar Helgi áttaði sig á því að heimsmeistaratitillinn var hans. Hann átti erfitt með að lýsa tilfinningum sínum í samtali við Vísi í kvöld.

Það er ekki hægt að lýsa því hvernig mér líður. Þetta er einhver endaleysa í hausnum á mér. Ég veit ekkert hvað ég á að segja," sagði Helgi í samtali við Vísi í kvöld.

Íþróttasamband fatlaðra birti í kvöld myndir á heimasíðu sinni sem teknar voru af Helga í Lyon í kvöld. Myndirnar má sjá hér að ofan.