Robben er gjöf til mín

Pep Guardiola er tekinn við hjá Bayern München og þýskir fjölmiðlar velta sér nú mikið upp úr því hvaða breytingar verði á leikmannahópi félagsins í sumar.

Mario Gomez og Arjen Robben hafa báðir verið orðaðir við brottför frá félaginu en þeir gætu átt framtíð hjá félaginu undir stjórn Guardiola.

"Mario er að æfa með okkur og hefur hagað sér eins og fagmaður. Robben er gjöf til mín, hann er afar klókur leikmaður," sagði Guardiola.

"Fyrsta vikan mín hefur verið mjög góð hérna og ég er smám saman að kynnast leikmönnunum. Það er góður gangur á þessu og ég hef fengið flottan stuðning.

"Ég hef ýmsar hugmyndir fyrir þetta lið og ég þarf að læra inn á leikmenn á næstu vikum. Ég mun prófa ýmislegt áður en ég tek mikilvægar ákvarðanir."