Hrun í kauphöll Tyrklands vegna mótmælanna

Mótmælin í Istanbúl höfuðborg Tyrklands undanfarna daga hafa valdið hruni í kauphöll landsins í dag. Vísitala kauphallarinnar hefur lækkað um 8% í og um 15% frá því 22. maí þegar hún náði sögulegu hámarki.

Fjallað er um málið á vefsíðunni CNNMoney. Þar segir að hlutabréfamarkaðurinn í Tyrklandi hafi verið á mikilli siglingu undanfarin ár. Úrvalsvísitalan í kauphöll landsins hefur fjórfaldað gildi sitt síðan árið 2008.

Fram kemur að mótmælin séu þau umfangsmestu gegn stjórn Recep Erdogan síðan að stjórnin tók við völdum fyrir áratug síðan. Fari svo að mótmælin haldi lengur áfram óttast menn að þau muni hafa áhrif til hins verra fyrir ferðamannaþjónustu landsins. Ferðamannaþjónustan stendur undir stórum hluta af landsframleiðslunni en í fyrra voru tekjur Tyrkja af henni rúmlega 23 milljarðar dollara.