Hver er Fannar Ingi Steingrímsson? Kolbeinn Tumi Daðason skrifar 4. júní 2013 10:00 14 ára strákur spilaði seinni hringinn á Strandarvelli um helgina á 61 höggi eða níu höggum undir pari. Hann fór holu í höggi, fékk átta fugla og setti vallarmet af gulum teigum á Hellu. Fannar Ingi Steingrímsson kom, sá og sigraði á öðru stigamóti sumarsins á Íslandsbankamótaröðinni í golfi. Ekki er vitað til þess að nokkur hafi spilað betri hring á unglingamótaröðinni áður og ekki úr vegi að komast að því hver þessi bráðefnilegi kylfingur sé. Fannar Ingi verður 15 ára þann 7. október. Hann er uppalinn í Hveragerði og spilar með Golfklúbbi Hveragerðis. Hann spilaði fyrst golf um Verslunarmannahelgina sumarið 2007 en áhuginn kviknaði nokkrum dögum fyrr þegar hann fékk fyrstu kylfuna að gjöf frá föður sínum. Þá hafði faðir hans, Steingrímur Ingason, setið við skjáinn og fylgst með bestu kylfingum heims á Opna breska meistaramótinu í golfi. „Ég horfði á þetta og var alveg hissa hversu skemmtilegt golf gæti verið," segir Steingrímur sem var að horfa á golf í fyrsta skipti. Hann segir Fannar Inga hafa verið fótboltastrák á þeim tíma og hann hafi ákveðið að kaupa handa honum kylfu og sjá hvort hann myndi fá áhuga á golfi. „Núna er öll fjölskyldan í golfi," segir Steingrímur. Fannar Ingi var valinn kylfingur ársins hjá GHG árið 2012.Mynd/GHG Fannar Ingi rifjaði upp fyrstu skrefin á golfvellinum í viðtali við Golf1 á sínum tíma. „Pabbi horfði á Opna breska í fyrsta skipti og fór síðan niðrí Örninn og keypti fyrir mig 7-járn. Síðan þá hef ég verið límdur við völlinn," sagði Fannar Ingi. Um eftirminnilegt mót er að ræða en Padraig Harrington sá til þess að Sergio Garcia tækist ekki að landa sínum fyrsta risamótstitli. Írinn sigraði eftir umspil. Síðan þá hefur Fannar Ingi farið á kostum á golfvellinum. Hann hefur farið utan oftar en einu sinni til að keppni á mótum og náð góðum árangri. Hann stóð til dæmis uppi sem sigurvegari í flokki 13-14 ára drengja á US Kids Holiday Classic á Flórída í desember. Fannar Ingi StefánssonMynd/GSÍmyndir.net Þá hafnaði hann í 3. sæti á Opna finnska meistaramóti unglinga í flokki 14 ára og yngri. „Það er ekki á hverjum degi sem 13 ára Íslendingur leikur hring undir pari og kemst á verðlaunapall í alþjóðlegu móti, það var ekkert minna en stórkostlegt,“ sagði Úlfar Jónsson landsliðsþjálfari við golf.is að mótinu loknu. Fannar Ingi (lengst til hægri) með góðum félögum á Gufudalsvelli.Mynd/GHG Fannar Ingi vann sigur á meistaramóti GHG á síðasta ári sem verður að teljast magnað afrek hjá 13 ára strák. Kylfingurinn úr blómabænum virðist þroskaður miðað við aldur. Það má lesa úr svörum hans við spurningum um markmiðin í golfinu og lífinu. „Í golfinu er markmiðið að verða atvinnumaður og vinna Masters. Í lífinu er það að vera heiðarlegur við annað fólk," segir Fannar. Fannar Ingi með verðlaun sín á US Kids í desember.Mynd/Úr einkasafni Ljóst er að margir kylfingar geta lært ýmislegt af Fannari Inga og ekki úr vegi að hlusta á ráð hans til annarra kylfinga: „Maður ætti alltaf að taka víti þegar á þarf að halda." Golf Mest lesið Dásamar Albert og segir hann ráða hver taki vítin Fótbolti Sakaður um að öskra „Frjáls Palestína, ég vona að þið deyið“ Fótbolti Mörkin úr Bestu: Sjáðu sturlað mark Emils frá miðju og Davíð bjarga stigi Íslenski boltinn Lést 26 ára gamall eftir baráttu við áfengi og þunglyndi Sport Gaf klárum boltastrák verðlaunin Fótbolti Martröð Pogba lokið en hvað tekur við? Fótbolti „Bara lygarar og svindlarar sem segja að hann sé vandamálið“ Enski boltinn Albert skoraði sigurmarkið eftir að De Gea varði tvær vítaspyrnur Fótbolti Onana haldið oftast hreinu Enski boltinn Sögulegt augnablik James feðga: „Mun aldrei gleyma þessu“ Körfubolti Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira
14 ára strákur spilaði seinni hringinn á Strandarvelli um helgina á 61 höggi eða níu höggum undir pari. Hann fór holu í höggi, fékk átta fugla og setti vallarmet af gulum teigum á Hellu. Fannar Ingi Steingrímsson kom, sá og sigraði á öðru stigamóti sumarsins á Íslandsbankamótaröðinni í golfi. Ekki er vitað til þess að nokkur hafi spilað betri hring á unglingamótaröðinni áður og ekki úr vegi að komast að því hver þessi bráðefnilegi kylfingur sé. Fannar Ingi verður 15 ára þann 7. október. Hann er uppalinn í Hveragerði og spilar með Golfklúbbi Hveragerðis. Hann spilaði fyrst golf um Verslunarmannahelgina sumarið 2007 en áhuginn kviknaði nokkrum dögum fyrr þegar hann fékk fyrstu kylfuna að gjöf frá föður sínum. Þá hafði faðir hans, Steingrímur Ingason, setið við skjáinn og fylgst með bestu kylfingum heims á Opna breska meistaramótinu í golfi. „Ég horfði á þetta og var alveg hissa hversu skemmtilegt golf gæti verið," segir Steingrímur sem var að horfa á golf í fyrsta skipti. Hann segir Fannar Inga hafa verið fótboltastrák á þeim tíma og hann hafi ákveðið að kaupa handa honum kylfu og sjá hvort hann myndi fá áhuga á golfi. „Núna er öll fjölskyldan í golfi," segir Steingrímur. Fannar Ingi var valinn kylfingur ársins hjá GHG árið 2012.Mynd/GHG Fannar Ingi rifjaði upp fyrstu skrefin á golfvellinum í viðtali við Golf1 á sínum tíma. „Pabbi horfði á Opna breska í fyrsta skipti og fór síðan niðrí Örninn og keypti fyrir mig 7-járn. Síðan þá hef ég verið límdur við völlinn," sagði Fannar Ingi. Um eftirminnilegt mót er að ræða en Padraig Harrington sá til þess að Sergio Garcia tækist ekki að landa sínum fyrsta risamótstitli. Írinn sigraði eftir umspil. Síðan þá hefur Fannar Ingi farið á kostum á golfvellinum. Hann hefur farið utan oftar en einu sinni til að keppni á mótum og náð góðum árangri. Hann stóð til dæmis uppi sem sigurvegari í flokki 13-14 ára drengja á US Kids Holiday Classic á Flórída í desember. Fannar Ingi StefánssonMynd/GSÍmyndir.net Þá hafnaði hann í 3. sæti á Opna finnska meistaramóti unglinga í flokki 14 ára og yngri. „Það er ekki á hverjum degi sem 13 ára Íslendingur leikur hring undir pari og kemst á verðlaunapall í alþjóðlegu móti, það var ekkert minna en stórkostlegt,“ sagði Úlfar Jónsson landsliðsþjálfari við golf.is að mótinu loknu. Fannar Ingi (lengst til hægri) með góðum félögum á Gufudalsvelli.Mynd/GHG Fannar Ingi vann sigur á meistaramóti GHG á síðasta ári sem verður að teljast magnað afrek hjá 13 ára strák. Kylfingurinn úr blómabænum virðist þroskaður miðað við aldur. Það má lesa úr svörum hans við spurningum um markmiðin í golfinu og lífinu. „Í golfinu er markmiðið að verða atvinnumaður og vinna Masters. Í lífinu er það að vera heiðarlegur við annað fólk," segir Fannar. Fannar Ingi með verðlaun sín á US Kids í desember.Mynd/Úr einkasafni Ljóst er að margir kylfingar geta lært ýmislegt af Fannari Inga og ekki úr vegi að hlusta á ráð hans til annarra kylfinga: „Maður ætti alltaf að taka víti þegar á þarf að halda."
Golf Mest lesið Dásamar Albert og segir hann ráða hver taki vítin Fótbolti Sakaður um að öskra „Frjáls Palestína, ég vona að þið deyið“ Fótbolti Mörkin úr Bestu: Sjáðu sturlað mark Emils frá miðju og Davíð bjarga stigi Íslenski boltinn Lést 26 ára gamall eftir baráttu við áfengi og þunglyndi Sport Gaf klárum boltastrák verðlaunin Fótbolti Martröð Pogba lokið en hvað tekur við? Fótbolti „Bara lygarar og svindlarar sem segja að hann sé vandamálið“ Enski boltinn Albert skoraði sigurmarkið eftir að De Gea varði tvær vítaspyrnur Fótbolti Onana haldið oftast hreinu Enski boltinn Sögulegt augnablik James feðga: „Mun aldrei gleyma þessu“ Körfubolti Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira