Fanndís skoraði og brenndi af undir lokin

Fanndís Friðriksdóttir var á skotskónum annan leikinn í röð þegar Kolbotn og Arna Björnar skildu jöfn 2-2.

Gunnhildur Yrsa Jónsdóttir var á miðjunni hjá gestunum sem leiddu 1-0 í hálfleik. Fanndís jafnaði metin snemma í síðari hálfleiknum og heimakonur komust yfir tæpum tíu mínútum fyrir leikslok.

Gunnhildur og félagar gáfust ekki upp og jöfnuðu metin á 87. mínútu. Fanndís fékk gott færi undir lok leiksins til þess að tryggja Kolbotn stigin þrjú en brást bogalistin.