Alþjóðalögreglan Interpol leitar nú Íslandings á fimmtugsaldri eftir að lögregla hér á landi óskaði eftir aðstoð. RÚV greinir frá.
Maðurinn hefur verið í Suður-Ameríku um nokkurt skeið og hefur ekkert frá honum heyrst í nokkurn tíma. Talið er að hann sé í Paragvæ og er hans leitað þar.
Björgvin Björgvinsson, aðstoðaryfirlögregluþjónn, staðfesti við fréttastofu RÚV að beiðnin hefði verið send fyrir nokkru en vildi ekki tjá sig um hvort maðurinn eigi sakaferil að baki eða sé grunaður um glæpsamlegt athæfi.
