Gunnar Heiðar skoraði og lagði upp annað

Gunnar Heiðar Þorvaldsson átti stóran þátt í 2-1 sigri sinna manna í Norrköping á Gefle í sænsku úrvalsdeildinni í kvöld.

Gunnar Heiðar kom sínum mönnum yfir með marki á 20. mínútu en Gefle náði að jafna metin í upphafi síðari hálfleiks.

Hann lagði svo upp sigurmarkið fyrir Imad Khalili á 87. mínútu og er því Norrköping enn með fullt hús stiga eftir fyrstu tvær umferðir tímabilsins.

Annað Íslendingalið, Gautaborg, er einnig með sex stig en með betri markatölu en Norrköping. Þetta eru einu tvö liðin með fullt hús stiga.

Flauta varð leik Djurgården og Mjällby í kvöld eftir að bjórflösku var kastað í leikmann síðarnefnda liðsins.