Oddaleikur um Íslandsmeistaratitilinn

Björninn hafði í kvöld betur gegn SA Víkingum, 4-3, í fjórða leik liðanna í lokaúrslitum Íslandsmótsins í íshokkí.

Með sigrinum náði Björninn að tryggja sér oddaleik og mun því baráttan um Íslandsmeistaratitilinn ráðast á Akureyri á miðvikudagskvöldið.

Björninn komst í 3-0 forystu strax í fyrsta leikhluta með mörkum þeirra Ólafs Björnssonar, Sergei Zak og Daniel Kolar. Stefán Hrafnsson minnkaði muninn í 3-1 fyrir gestina í öðrum leikhluta en Úlfar Jón Andrésson jók forystuna aftur í þrjú mörk stuttu síðar.

SA Víkingar náðu svo að hleypa spennu í leikinn með mörkum þeirra Andra Más Mikaelssonar og Stefáns Hrafnssonar á lokamínútum leiksins. En nær komust gestirnir ekki og þarf því oddaleik til að knýja fram úrslit í rimmunni.