Veiðileyfi á kvikmyndahátíð

Verðlaunamyndin Predator verður sýnd á Rise-kvikmyndahátíðinni á fimmtudagskvöld. Á hátíðinni kynna veiðileyfasalar leyfi sem laus eru næsta sumar.

Að því er fram kemur í tilkynningu frá fluguveiðikvikmyndahátíðinni RISE verður margt á boðstólum í anddyri í Bíó Paradís frá því húsið opnar klukkan sjö.

"Veiðiþjónustan Strengir verður á staðnum og kynnir fyrir okkur þær ár sem þeir eru í forsvari fyrir, Veiðifélagið Hreggnasi kemur líka og verður með kynningu á ánum sínum ásamt því að Veiðifélagið Lax-á verður á staðnum og færir okkur í sannleikann um vatnasvæðin sem þeir ráða yfir," segir í tilkynningunni.

Þá kemur fram að kynning verði á hluta af því DVD úrvali sem nú er á hinum árlega Veiðibóka- og DVD markaði og að hægt að kaupa fluguveiðimyndir á staðnum.

Sýning á myndinni Predator frá Gin Clear Media hefst klukkan átta. Er þar fylgst með fluguveiðmönnum eltast við stærstu fiska sem flugustangir ráða við.

Væntanlega spillir ekki fyrir stemningunni að í hléi verð dregnir út happdrættismiðar þar sem veiðileyfi, gjafabréf og fleira.