Silungsparadís í Svarfaðardal Garðar Örn Úlfarsson skrifar 7. janúar 2013 20:45 Glæsilegir fiskar af svæði 1 í Svarfaðardalsá. Mynd / svak.is Nú styttist í að Stangaveiðifélag Akureyrar hefji veiðileyfasölu fyrir næsta sumar. Félagið hefur meðal annars hina rómuðu Svarfaðardalsá í umboðsölu. Sjóbleikjan er uppistaðan í veiðinni í Svarfaðardalsá. Sumarið 2012 veiddust þar 647 sjóbleikjur á svæðunum fimm sem ánni er skipt í. Að auki var landað 201 sjóbirtingi og 83 staðbundnum urriðum. Samtals var veiðin í fyrrasumar því 931 silungur í Svarfaðardalsá. Veitt er frá 1. júní til 10. september í Svarfaðardalsá sem er þó dæmigerð síðsumarsá og fer fyrst almennilega í gang í sjóbleikjunni eftir miðjan júlí. Á svak.is má skoða skiptingu veiðinnar eftir tegundum, dögum og svæðum. Fram kom í viðtali við Guðrúnu Unu Jónsdóttur, formann SVAK, hér á Veiðivísi um miðjan desember að bjartsýni sé hjá félaginu um góða sölu veiðileyfa fyrir næsta sumar. Benti Guðrún á að félagið einskorði sig við sölu í silung sem sé síður viðkvæmur gagnvart sölusveiflum en hin síhækkandi laxveiðileyfi. Stangveiði Mest lesið Stærsti laxinn úr Elliðaám í sumar Veiði Guð er í nótt á Þingvöllum Veiði Laxinn stökk sjálfur í land í Hallá Veiði Breytingar á Veiðivísi Veiði Vonast eftir aukahelgum í rjúpnaveiðinni Veiði Laxar og sjóbirtingar streyma upp úr Tungufljóti Veiði Veiddi "skrímsli" í Minnivallalæk Veiði Fyrsta laxinn á land í Hrútafjarðará Veiði Tærleiki Þingvallavatns niður í B-flokk Veiði Veiðir ufsa á flugustöng við Ægissíðuna Veiði
Nú styttist í að Stangaveiðifélag Akureyrar hefji veiðileyfasölu fyrir næsta sumar. Félagið hefur meðal annars hina rómuðu Svarfaðardalsá í umboðsölu. Sjóbleikjan er uppistaðan í veiðinni í Svarfaðardalsá. Sumarið 2012 veiddust þar 647 sjóbleikjur á svæðunum fimm sem ánni er skipt í. Að auki var landað 201 sjóbirtingi og 83 staðbundnum urriðum. Samtals var veiðin í fyrrasumar því 931 silungur í Svarfaðardalsá. Veitt er frá 1. júní til 10. september í Svarfaðardalsá sem er þó dæmigerð síðsumarsá og fer fyrst almennilega í gang í sjóbleikjunni eftir miðjan júlí. Á svak.is má skoða skiptingu veiðinnar eftir tegundum, dögum og svæðum. Fram kom í viðtali við Guðrúnu Unu Jónsdóttur, formann SVAK, hér á Veiðivísi um miðjan desember að bjartsýni sé hjá félaginu um góða sölu veiðileyfa fyrir næsta sumar. Benti Guðrún á að félagið einskorði sig við sölu í silung sem sé síður viðkvæmur gagnvart sölusveiflum en hin síhækkandi laxveiðileyfi.
Stangveiði Mest lesið Stærsti laxinn úr Elliðaám í sumar Veiði Guð er í nótt á Þingvöllum Veiði Laxinn stökk sjálfur í land í Hallá Veiði Breytingar á Veiðivísi Veiði Vonast eftir aukahelgum í rjúpnaveiðinni Veiði Laxar og sjóbirtingar streyma upp úr Tungufljóti Veiði Veiddi "skrímsli" í Minnivallalæk Veiði Fyrsta laxinn á land í Hrútafjarðará Veiði Tærleiki Þingvallavatns niður í B-flokk Veiði Veiðir ufsa á flugustöng við Ægissíðuna Veiði