Beikonkreppa er í uppsiglingu

Evrópskir neytendur þurfa mögulega að greiða tvöfalt hærra verð fyrir beikon vegna minni framleiðslu.

Bændur í Evrópu hafa skorið niður svínastofninn vegna hækkandi fóðurverðs, að því er segir á fréttavef danska ríkisútvarpsins sem vitnar í Wall Street Journal.

Samtök breskra svínabænda hafa spáð allt að 10 prósenta minni framleiðslu sem myndi hafa í för með sér 50 prósenta verðhækkun. Á vef danska ríkisútvarpsins segir að smásalar, sem þegar glími við minni neyslu, hafi ekki hækkað verð af ótta við að missa viðskiptavini.- ibs