Nær Þór/KA sex stiga forskoti?

Þór/KA getur stigið stórt skref í átt að fyrsta Íslandsmeistaratitli sínum í kvöld þegar liðið sækir Breiðablik heim á Kópavogsvöllinn. Þór/KA, sem er búið að vinna fimm af síðustu sex leikjum sínum, nær sex stiga forskoti á Íslandsmeistara Stjörnunnar með sigri en aðeins fjórar umferðir eru eftir.

Breiðablikskonur hafa aðeins náð í eitt stig í síðustu tveimur leikjum og eru búnar að missa af lestinni enda komnar niður í 5. sætið. Þær geta þó komist upp fyrir Val með sigri auk þess að auka spennuna í slagnum um Íslandsmeistaratitilinn.

Leikurinn hefst klukkan 18.00 á Kópavogsvellinum og er í beinni útsendingu á Stöð 2 Sport og inni á Vísi.