Áfengissala jókst um 7,8%

Áfengissala jókst um 7,8 prósent í maí miðað við sama mánuð í fyrra. Þetta kemur fram í yfirliti frá Rannsóknarsetri verslunarinnar. Þá jókst velta smávöruverslunar í flestum vöruflokkum í maí.

Áfengissala hefur farið vaxandi að undanförnu. Ástæður þess eru taldar að fólk sé að jafna sig á miklum verðhækkunum á áfengi í kjölfar efnahagshrunsins.

Einkaneysla hefur almennt farið vaxandi það sem af er ári og er gert ráð fyrir að sú verði raunin áfram. Má gera ráð fyrir að áframhaldandi vöxtur einkaneyslu styrki verslun, ekki síst sérvöruverslun.- bþh