Ánægð með rassinn

Cameron Diaz segir að rassinn á sér líti betur út eftir því sem hún verður eldri. Hún þakkar það dugnaði sínum í líkamsræktinni.

„Rassinn á mér er pottþétt þrýstnari en þegar ég var tvítug," segir leikkonan sem verður fertug í ágúst. „Fólk áttar sig ekki á þessu: Passið upp á líkama ykkar og þá lítur hann betur út. Hann hefur alla vega orðið flottari eftir því sem ég hef elst."

Diaz segist í viðtali við Access Hollywood vera orðin vitrari en þegar hún var yngri. „Ég elska að eldast. Mér finnst það alveg yndislegt. Eftir því sem ég verð eldri verð ég hamingjusamari og vitrari. Ég þekki sjálfa mig betur og næ mun betri tengslum við fólk."