Spiluðu í þrjá tíma

Guns N' Roses hóf tónleikaferðalag sitt um Bretland og Írland með tæplega þriggja tíma tónleikum í O2-höllinni í Dublin. Hljómsveitin var sein á sviðið eins og svo oft áður og hóf ekki spilamennskuna fyrir en um hálfellefu um kvöldið. Tónleikunum lauk ekki fyrr en klukkan 1.15 um nóttina.

Tvö ár eru liðin síðan rokkararnir hættu tónleikum sínum á sama stað eftir aðeins þrjú lög eftir að flöskum var kastað upp á sviðið. „Takk fyrir að mæta, takk fyrir að gefa mér tækifæri og takk fyrir að kasta engu upp á sviðið," sagði söngvarinn Axl Rose eftir að hann hafði lokið við síðasta lagið, Paradise City.