Miðar seldir á Sigur Rós

Miðasala á tónleika Sigur Rósar á Airwaves-hátíðinni í Nýju Laugardalshöllinni 4. nóvember hefst á hádegi í dag, hér á Midi.is. Allir eiga kost á að kaupa sér miða á tónleikana og ekki er skilyrði að kaupa eða eiga miða á Airwaves. Þeir sem eiga miða á Airwaves geta aftur á móti keypt miðann með afslætti til 16. júní.

Almennt miðaverð á tónleikana er 5.900 krónur. Nemendur á aldrinum 13 til 16 ára, fæddir 1997 til 1999, geta fengið miða í versluninni Brim á Laugavegi á 1.000 krónur. Tónleikar Sigur Rósar verða þeir fyrstu hér á landi í fjögur ár.