18 vilja hanna nýja fangelsið

Átján tillögur bárust í hönnunarsamkeppni fangelsisins á Hólmsheiði. Dómnefnd sem skipuð var vegna samkeppninnar kom saman í gær til að hefja mat á tillögunum.

Dómnefnd skal hafa lokið störfum eigi síðar en 4. júní, að því er segir í tilkynningu frá innanríkisráðuneytinu. Þá verður tilkynnt hvaða tillaga hefur orðið fyrir valinu og jafnframt opnuð sýning á öllum tillögunum. Í framhaldi af því yrði samið við hönnunarteymi verðlaunatillögunnar um fullvinnslu teikninga.

Dómnefndina skipa arkitektar, fulltrúar frá ráðuneytinu og Fangelsismálastofnun. - sv