Spurningum loks svarað

Leikstjórinn Ridley Scott segist lengi hafa dreymt um að leikstýra undanfara Alien-myndanna. Þetta kemur fram í viðtali sem birtist í tímaritinu Empire.

„Mig hefur langað að gera þetta í mörg, mörg, mörg ár. Ég velti því alltaf fyrir mér þegar Alien 2, 3 og 4 komu út af hverju enginn sýndi forsögunni áhuga. Stærstu spurningunum var enn ósvarað: Hver var stóri maðurinn? Hvert voru þau að fara og af hverju? Hvað var um borð í geimskipinu?" sagði leikstjórinn en nýjasta kvikmynd hans, Prometheus, mun svara einhverjum af þessum spurningum. Til gamans má geta að myndin var að hluta tekin upp hér á landi og má meðal annars sjá Dettifoss í sýnishorni úr myndinni.