Segir Japani stóra

tíska Fatahönnuðurinn Karl Lagerfeld er staddur í Japan um þessar mundir þar sem hann sýnir haustlínu Chanel á tískuvikunni í Tokyo. Lagerfeld er þekktur fyrir óvægna hreinskilni sína og lét nokkur orð falla um japönsku þjóðina.

Lagerfeld heimsótti landið síðast fyrir átta árum síðan og þykir það hafa tekið nokkrum breytingum. „Ég tók eftir því að fólkið er stærra en áður vegna þess að það borðar meira af kökum og sætindum. Ég tók eftir því að útlit Japana hefur breyst mikið, áður voru þau lítil en nú eru þau falleg á þann hátt sem fólk sem borðar mikið af óhollustu er fallegt," sagði hönnuðurinn í viðtali við WWD.