Beðið eftir nýju tæki frá Google

Fjárfestar í Bandaríkjunum eru sagðir spenntir fyrir nýjustu afurðinni frá Google sem enn er á vinnslustigi, og hefur gengið undir nafninu X Phone. Um er að ræða blöndu af síma og handtölvu, sem á að henta vel fyrir myndatökur, samfélagsmiðla og ýmsa vinnu, að því er segir í frétt Wall Street Journal.

Google unnið að tækinu frá því það keypti símaframleiðandann Motorola fyrir 12,5 milljarða dala, eða tæplega 1.600 milljarða króna í fyrra.

Vonir standa til þess að hið nýja tæki komi á markað snemma á næsta ári, en ekkert hefur þó verið gefið upp um nákvæmar dagsetningar ennþá, að sögn Wall Street Journal.

Sjá má umfjöllun Wall Street Journal hér.