Tómt skothylki gæti skilað góðri veiði

Skotveiðifélag Íslands minnir nú félagsmenn sína á að skila inn tómum skothylkjum svo þeir eigi möguleika á að vinna 150 þúsund króna eldsneytisúttekt.

"Nú fer hver að verða síðastur að skila inn tómum skothylkjum til Olís því dregið verður um 150 þúsund króna eldsneytisúttekt þann 13. desember næstkomandi úr innsendum þátttökuspjöldum," segir á skotvis.is. vef Skotveiðifélagsins.

Kveðst Skotvís þakka Olís og Umhverfisstofnun samstarfið í verkefninu sem ætlað sé "að minna veiðimenn á hve mikilvægt er að skilja ekkert eftir á veiðislóð nema sporin sín," eins og segir á vef Skotvís sem einnig þakkar veiðimönnum og skotfélögum sem taka þátt í verkefninu.

gar@frettabladid.is