Enn einn sigurinn hjá McIllroy

Kylfingurinn Rory McIllroy er sjóðheitur þessa dagana og búinn að vinna þrjú af síðustu fjórum mótum sem hann hefur tekið þátt í.

Í gærkvöldi vann hann BMW meistaramótið sem er hluti af FedEx-mótaröðinni. Hann endaði mótið á 20 höggum undir pari. Lee Westwood og Phil Mickelson komu næstir á 18 höggum undir pari og Tiger Woods endaði á 17 undir.

Norður-Írinn er því efstur á FedEx-mótaröðinni og er því líklegastur til að vinna stóra pottinn sem er litlar 10 milljónir dollara.