Óvíst hvort Birgir Leifur kemst í gegnum niðurskurðinn

Birgir Leifur Hafþórsson, atvinnukylfingur úr GKG, hefur lokið leik í dag á öðrum keppnisdegi á Áskorendamótaröðinni á móti sem fram fer í Kasakstan. Birgir lék á 71 höggi í dag eða 1 höggi undir pari og en hann lék á pari vallar í gær eða 72 höggum.

Eins og staðan er þessa stundina er Birgir Leifur í 80. sæti ásamt fleirum og er hann einu höggi frá því að komast í gegnum niðurskurðinn.

Staðan gæti breyst eitthvað þar sem að fjölmargir kylfingar eiga eftir að ljúka leik í dag. Frakkinn Alexander Levy er efstur á -11.

Birgir Leifur lék fyrri 9 holurnar á 35 höggum eða 1 höggi undir pari, en hann fékk einn fugl og lék aðrar holur á pari. Á síðari 9 holunum fékk hann skolla (+1) á 14. og 15., og fugl á 16. og 18.