Rosalega sátt með formið mitt í dag

Meðfylgjandi má sjá myndirnar sem Anna María tók í Kanda á heimsmeistarmóti í fitness sem ber heitið Wbff World Championship. Lífið spurði Önnu um þátttöku hennar en hún ásamt 50 Íslendingum keppti í svokölluðum Pro flokki eða atvinnumannaflokki.

Hvernig er upplifunin að keppa erlendis á svona stóru móti og hvernig líður þér? Þetta var alveg svakaleg upplifun. Og að keppa í annað sinn á svona stóru og sterku móti er alveg risastórt skref fyrir mig og ekkert smá mikill heiður. Allar mínar væntingar af þessu móti eru nú þegar svo miklu meiri en ég gat nokkurn tíman vænst eða ímyndað mér. Mitt markmið var að njóta, upplifa, kynnast og hafa gaman og það er svo sannarlega allt búið að rætast. Þetta var alveg draumi líkast. Ég er búin að fá og finna fyrir svakalega miklum stuðningi frá fjölskyldu, vinkonum og vinum og alveg búin að komast að því hversu rík ég er í kjölfarið af öllu þessu.

Með yndislegan þjálfara

Ég er rosalega sátt með formið mitt í dag miðað við mitt annað mót er þetta svakaleg bæting hjá mér og mótunin öll að koma. Er með yndislegan þjálfara sem er rosalega virtur í þessum bransa og svakalega klár og fær á sínu sviði sem hjálpaðí mér alveg svakalega og hafði góð áhrif á formið mitt og bætti það vel á þessum stutta tima en ég keppti seinast og í fyrsta sinn í nóvember 2011. Nú er bara stefnan sett á World Championship 2013 og ég býð spennt en þá ætla ég mér að setja hærri markmið og mæta í enn betra formi en ég er nú. Eins og ég sagði er þetta allt búið að vera draumi líkast og ég er alveg búin að vinna fyrir því seinustu vikurnar svo ég geng rosalega sátt út frá þessu móti og ber höfuðið hátt.