Davíð Þór innsiglaði sigurinn og Öster er eitt á toppnum

Davíð Þór Viðarsson og félagar í Östers IF unnu góðan 4-1 sigur á Brommapojkarna í sænsku b-deildinni í dag og eru í framhaldinu komnir með þriggja forystu á toppi deildinnar.

Davíð Þór skoraði fjórða og síðasta mark Öster-liðsins úr vítaspyrnu í uppbótartíma en þetta var þriðja mark hans á tímabilinu þar af það annað úr víti.

Östers IF er enn taplaust á leiktíðinni og hefur unnið 6 af 7 leikjum sínum. Stefan Karlsson, Freddy Söderberg og Johan Persson skoruðu fyrsti þrjú mörk liðsins í dag.

Davíð Þór spilaði allan leikinn á miðjunni en hann hefur spilað hverja einustu mínútu í fyrstu sjö leikjum liðsins í sumar.