Ostastríð er í uppsiglingu milli Dana og Norðmanna

Ostastríð er í uppsiglingu milli Noregs og Danmerkur, þar sem norskir kúabændur hafa krafist þess að settur verði 260% tollur á alla innflutta gula osta til landsins.

Danskir bændur telja að þessum tollum sé einkum beint að sér enda kemur megnið af gulum ostum sem fluttir eru inn til Noregs frá Danmörku. Dönsku bændurnir benda á að ekki séu upp neinar kröfur um tolla á franska osta eins og camembert og brie.

Mjólkursamlagsrisinn Tine í Noregi styður kröfur mjólkurbændanna og segir að nægt framboð sé af sambærilegum gulum norskum ostum í landinu.

Í umfjöllun Berlinske Tidende um málið er rætt við Kristian Svendsen ráðgjafa í danska landbúnaðarráðuneytinu. Hann segir að norskur mjólkuriðnaður byggist á mörgum smáum mjólkurbúum. Norskir bændur haldi helst ekki fleiri en 10 kýr en vilji samt geta ekið um á Mercedes Benz bílum.

Danskir bændur hafa beðið utanríkisráðuneyti sitt um að gæta sinna hagsmuni í málinu. Þeir segja að norska utanríkisráðuneytið taki mun skynsamlegar á svona deilumálum en landbúnaðarráðuneytið í Noregi.