Kristrúnu Ösp fannst fúlt að gert var grín að sér í Áramótaskaupinu

Kristrúnu Ösp Barkardóttur, fyrirsætu, fannst áramótaskaupið skemmtilegt en fannst frekar fúlt þegar gert var grín að sér. Þá er barnið sem hún gengur með undir belti hvítt og því er fyrrum vinur hennar Dwight Yorke, fyrrum knattspyrnumaður hjá Manchester United, ekki faðirinn.

Þetta er á meðal þess sem kemur fram í Hitaklefanum í útvarpsþættinum FM95BLÖ á FM957. Þá segir hún aðspurð að Sveinn Andri Sveinsson, lögmaður, hafi ekki sent sér jólakort en hún hafi heyrt í honum yfir hátíðarnar.

Kristrún Ösp á von á sér í byrjun mars.

Hægt er að hlusta á Hitaklefann með því að smella á hlekkinn hér að ofan.