Ranieri: Sneijder er ekki á förum

Claudio Ranieri, þjálfari Inter, hefur nú stigið fram fyrir skjöldu og lýst því yfir að það komi ekki til greina að selja Hollendinginn Wesley Sneijder í þessum mánuði.

Sneijder hefur ítrekað verið orðaður við Man. Utd síðustu sex mánuði og eftir að leikmannamarkaðurinn opnaði á ný fóru sögusagnirnar af stað á nýjan leik.

"Hann er leikmaður Inter og verður áfram með okkur," sagði Ranieri á blaðamannafundi í gær.

"Hann er í miklum metum hjá mér og ég vona að hann geti staðið sig áfram vel fyrir Inter. Hann er leikmaður sem hefur allt en stundum stoppar hausinn á honum og þá þarf hann start."