Boyle vill syngja með Kings of Leon

Söngkonan Susan Boyle, sem sló eftirminnilega í gegn í sjónvarpsþáttunum Britain‘s Got Talent, hefur áhuga á að syngja með Kings of Leon og Lady Gaga.

Ný plata Boyle, Someone to Watch Over Me, fór beint á toppinn í Bretlandi í vikunni. Í viðtali á vefsíðu Digital Spy segir söngkonan að strákarnir í Kings of Leon og Lady Gaga séu á lista yfir fólk sem hún vill syngja með ásamt fjölmörgum öðrum. „Það eru svo margir sem mig langar til að vinna með, Lady Gaga, Bruno Mars, Michael Buble, Adele og Kings of Leon, svo eitthvað sé nefnt. Þetta er svo æðislega hæfileikaríkt fólk og ég væri til í að rokka mig smá upp,“ sagði hún.