Breyting til batnaðar 14. september 2011 11:00 Nýi Yarisinn er sportlegri en áður. Fjöltækniskjár opnar ýmsa möguleika. Ný gerð Yaris er væntanleg til Íslands um mánaðamótin október/nóvember og eflaust margir sem bíða spenntir enda hefur Yaris verið með vinsælli smábílum á landinu. Væntanlegir kaupendur ættu ekki að verða fyrir vonbrigðum. Hinn nýi Yaris hefur verið tekinn nokkuð í gegn að innan sem utan. Framhluti bílsins er nú mun sportlegri en áður. Spila þar inn í kúptar línur og skásett framljós. Þannig á Yaris að vera fyrsti bíllinn til að skarta þessu útliti sem einkenna mun Toyota-bifreiðar næstu árin. Hlutfallslegri stærð grilla hefur verið breytt með það að markmiði að ljá Yarisnum karlmannlegra útlit en áður. Enn fleiri breytingar er að finna innandyra. Mælaborðið hefur tekið miklum breytingum til batnaðar. Í fyrstu útgáfu Yaris voru mælarnir fyrir miðju bílsins sem bæði var óþægilegt og ljótt. Hönnuðir bílsins hafa í þetta sinn valið mun hefðbundnari leið. Mælarnir eru nú beint fyrir framan stýrið og fyrir miðju er stolt hönnuðanna, fjöltækniskjár. Toyota Touch & go er uppfullur af möguleikum. Fyrir utan hin venjubundnu stjórntæki er þar að finna bakkvél. Þar er hægt að tengja síma og tónhlöður. Í honum er vegaleiðsögutæki fyrir bæði Ísland og fleiri lönd og með bluetooth má tengja kerfið við Google-maps og færa inn leiðir og staðsetningar. Á skjánum er hægt að senda sms auk þess sem skjáinn má tengja við samskiptasíðuna Facebook. Fleira innanstokks vekur athygli. Natni hefur verið lögð í smáatriði. Þannig er stýrið sportlegt og appelsínugulir saumar á því og gírstönginni gefa ríkmannlega tilfinningu. Notað er mjúkt plastefni í mælaborð og meira króm en áður sem gefur fallega heildarmynd. Stór sóllúga er á flestum gerðum og fyrir vikið verður bíllinn mjög bjartur. Aksturseiginleikar bílsins eru fínir. Hann fer vel hvort sem er á hlykkjóttum sveitavegum eða þröngum borgarstrætum. Beygjuradíusinn er 4,7 m sem kemur sér ágætlega á þröngum götuhornum. Hann er mun rýmri en maður skyldi ætla af ytra útliti. Það var enda ein af þeim breytingum sem gerð var á bílnum, hann er nú með meira innra rými og betra pláss er fyrir farþega í aftursæti. Þó að bíllinn sé lengri en hann var áður er hann samt tuttugu kílóum léttari en fyrri gerðin. Þrjár vélagerðir verða í boði og hver gerð fáanleg í nokkrum útfærslum. Skemmtilegust var þó 1,4 l dísilvélin með MM-sjálfskiptingu. Krafturinn var nægur, hestöflin 90 en togið 205 Nm. Af öðrum útfærslum má nefna Yaris Terra með 1,0 l bensínvél, beinskiptur og Yaris Sol með 1,33 l bensínvél og fæst annaðhvort beinskiptur eða sjálfskiptur. Eyðslan er einnig góð fyrir budduna en Yaris eyðir frá 4,8 lítrum af bensíni en dísilvélin frá 3,9 l af olíu. solveig@frettabladid.isHugað er að smáatriðum í hönnun.Toyota Yaris reynsluakstur Mest lesið Skildu fullar körfur eftir vegna bilunar Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Hagkaup hefur áfengissölu í dag Viðskipti innlent Vefsíðan hrundi innan tuttugu mínútna Viðskipti innlent Fær bætur vegna brúnu blettanna í mottunni Neytendur Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Sinna verktöku hjá Wolt samhliða námi og öðrum störfum Smáhýsin frá BYKO eru vinsæll valkostur fyrir hvaða tilefni sem er Langar meira í 911 T-Hybrid en bæði lungun sín Fjölbreyttar lausnir fyrir íslenskan markað Lánskjaravakt Aurbjargar auðveldar leit að hagstæðara húsnæðisláni Sprenging í sölu á sérsmíðuðum saunaklefum Nútímaleg nálgun í netöryggi Íslensk framleiðsla og traust lausn fyrir byggingarmarkaðinn Með hollustu að leiðarljósi Sjá meira
Fjöltækniskjár opnar ýmsa möguleika. Ný gerð Yaris er væntanleg til Íslands um mánaðamótin október/nóvember og eflaust margir sem bíða spenntir enda hefur Yaris verið með vinsælli smábílum á landinu. Væntanlegir kaupendur ættu ekki að verða fyrir vonbrigðum. Hinn nýi Yaris hefur verið tekinn nokkuð í gegn að innan sem utan. Framhluti bílsins er nú mun sportlegri en áður. Spila þar inn í kúptar línur og skásett framljós. Þannig á Yaris að vera fyrsti bíllinn til að skarta þessu útliti sem einkenna mun Toyota-bifreiðar næstu árin. Hlutfallslegri stærð grilla hefur verið breytt með það að markmiði að ljá Yarisnum karlmannlegra útlit en áður. Enn fleiri breytingar er að finna innandyra. Mælaborðið hefur tekið miklum breytingum til batnaðar. Í fyrstu útgáfu Yaris voru mælarnir fyrir miðju bílsins sem bæði var óþægilegt og ljótt. Hönnuðir bílsins hafa í þetta sinn valið mun hefðbundnari leið. Mælarnir eru nú beint fyrir framan stýrið og fyrir miðju er stolt hönnuðanna, fjöltækniskjár. Toyota Touch & go er uppfullur af möguleikum. Fyrir utan hin venjubundnu stjórntæki er þar að finna bakkvél. Þar er hægt að tengja síma og tónhlöður. Í honum er vegaleiðsögutæki fyrir bæði Ísland og fleiri lönd og með bluetooth má tengja kerfið við Google-maps og færa inn leiðir og staðsetningar. Á skjánum er hægt að senda sms auk þess sem skjáinn má tengja við samskiptasíðuna Facebook. Fleira innanstokks vekur athygli. Natni hefur verið lögð í smáatriði. Þannig er stýrið sportlegt og appelsínugulir saumar á því og gírstönginni gefa ríkmannlega tilfinningu. Notað er mjúkt plastefni í mælaborð og meira króm en áður sem gefur fallega heildarmynd. Stór sóllúga er á flestum gerðum og fyrir vikið verður bíllinn mjög bjartur. Aksturseiginleikar bílsins eru fínir. Hann fer vel hvort sem er á hlykkjóttum sveitavegum eða þröngum borgarstrætum. Beygjuradíusinn er 4,7 m sem kemur sér ágætlega á þröngum götuhornum. Hann er mun rýmri en maður skyldi ætla af ytra útliti. Það var enda ein af þeim breytingum sem gerð var á bílnum, hann er nú með meira innra rými og betra pláss er fyrir farþega í aftursæti. Þó að bíllinn sé lengri en hann var áður er hann samt tuttugu kílóum léttari en fyrri gerðin. Þrjár vélagerðir verða í boði og hver gerð fáanleg í nokkrum útfærslum. Skemmtilegust var þó 1,4 l dísilvélin með MM-sjálfskiptingu. Krafturinn var nægur, hestöflin 90 en togið 205 Nm. Af öðrum útfærslum má nefna Yaris Terra með 1,0 l bensínvél, beinskiptur og Yaris Sol með 1,33 l bensínvél og fæst annaðhvort beinskiptur eða sjálfskiptur. Eyðslan er einnig góð fyrir budduna en Yaris eyðir frá 4,8 lítrum af bensíni en dísilvélin frá 3,9 l af olíu. solveig@frettabladid.isHugað er að smáatriðum í hönnun.Toyota Yaris reynsluakstur
Mest lesið Skildu fullar körfur eftir vegna bilunar Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Hagkaup hefur áfengissölu í dag Viðskipti innlent Vefsíðan hrundi innan tuttugu mínútna Viðskipti innlent Fær bætur vegna brúnu blettanna í mottunni Neytendur Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Sinna verktöku hjá Wolt samhliða námi og öðrum störfum Smáhýsin frá BYKO eru vinsæll valkostur fyrir hvaða tilefni sem er Langar meira í 911 T-Hybrid en bæði lungun sín Fjölbreyttar lausnir fyrir íslenskan markað Lánskjaravakt Aurbjargar auðveldar leit að hagstæðara húsnæðisláni Sprenging í sölu á sérsmíðuðum saunaklefum Nútímaleg nálgun í netöryggi Íslensk framleiðsla og traust lausn fyrir byggingarmarkaðinn Með hollustu að leiðarljósi Sjá meira