Gene gamli genginn út

Rokkarinn Gene Simmons úr hljómsveitinni Kiss mun ganga að eiga Shannon Tweed í Los Angeles hinn 1. október næstkomandi. Simmons bað um hönd Tweed í raunveruleikaþætti sínum, Gene Simmons Family Jewels, í júlí síðastliðnum. Þeim liggur greinilega á að láta pússa sig saman, sem verður að teljast fyndið í ljósi þess að þau hafa búið saman síðan 1985.

Simmons og Tweed, sem taka mun upp eftirnafn rokkarans, eiga tvö börn saman, soninn Nicholas sem er 22 ára og dótturina Sophie sem er 18 ára.