Ósátt við skyndilega kvenhylli bóndans

Leikarinn Jason Momoa hefur slegið í gegn í hlutverki sínu sem villimaðurinn Conan úr samnefndri kvikmynd. Þessi skjóti frami hans mun ekki hafa lagst vel í sambýliskonu hans, Lisu Bonet, sem er óánægð með nýfengna kvenhylli Momoa.

Momoa er ellefu árum yngri en Bonet og samkvæmt heimildarmönnum er hún í fyrsta sinn óörugg vegna aldursmunarins. „Hún er mjög meðvituð um aldursmuninn á milli þeirra og þá hylli sem hann nýtur nú meðal kvenna. Lisu er illa við allt sem snertir Hollywood og frægð og finnst erfitt að takast á við þessa skyndilegu frægð Jasons,“ var haft eftir heimildarmanni.

„Lisa hefur útskýrt fyrir Jason að frægðin gæti orðið sambandinu að bana og hann skilur það vel. Þessi vandi á þó aðeins eftir að verða stærri og þau þurfa því að takast á við hann í sameiningu.“