Kröftugir tónleikar

Rokksveitin Agent Freso hélt útgáfutónleika á dögunum í tilefni fyrstu plötu sinnar, A Long Time Listening, sem kom út fyrir síðustu jól.

Tónleikarnir fóru fram í Austurbæ og var troðfullt út úr dyrum. Stemningin var góð og virtust áhorfendur kunna vel að meta það sem fyrir augu þeirra bar. Agent Fresco spilaði plötuna í heild sinni frá upphafi til enda og naut hljómsveitin aðstoðar strengjasveitar, kórs og bakraddasöngvara, þar á meðal Hauks Heiðars Haukssonar úr Diktu.