Lagt til að sonur Hannesar Þórs Helgasonar fái ríkisborgararétt

Allsherjar- og menntamálanefnd hefur lagt fram frumvarp á Alþingi þess efnis að 24 einstaklingar skuli hljóta íslenskan ríkisborgararétt. Á meðal þeirra sem lagt er til að fái ríkisborgararétt er Siim Vitsut, rúmlega tveggja ára gamall drengur fæddur í Eistlandi.

Hann er sonur Hannesar Þórs Helgasonar sem féll fyrir morðingjahendi í Hafnarfirði í fyrra.

Þá er einnig lagt til að Mehdi Kavyanpoor, fæddur árið 1958 í Íran, fái ríkisborgararétt en hann komst í fréttirnar fyrr á árinu þegar hann hótaði að kveikja í sér í höfuðstöðvum Rauða kross Íslands. Þá var hann orðinn úrkula vonar um að fá að dvelja hér á landi til frambúðar en hann kom hingað upphaflega sem flóttamaður.

Nefndinni bárust 42 umsóknir um ríkisborgararétt nú á haustþinginu og leggur nefndin til að að tuttugu og fjórum verði veittur sá réttur að þessu sinni.

Ríkisborgararétt skulu öðlast:

    1.     Disley Torralba Ramos, f. 1986 á Kúbu.

    2.     Dóra Rögnvaldsdóttir, f. 1960 á Íslandi.

    3.     Maria del Carmen Helena Jimenez Pacifico, f. 1989 í Kólumbíu.

    4.     Sandra Aguilar Chang, f. 1970 í Perú.

    5.     Sif Ellen Bohne, f. 1965 á Íslandi.

    6.     Siim Vitsut, f. 2009 í Eistlandi.

    7.     Waleska Tinoco Giraldo, f. 1989 í Venesúela.

    8.     Jorge Eduardo Montalvo Morales, f. 1981 í Kólumbíu.

    9.     Konstantin Stroginov, f. 1984 í Úkraínu.

    10.     Lucio Atanasio Ballester, f. 1972 í Argentínu.

    11.     Maria Mehriban Gunakar Franken, f. 1966 í Tyrklandi.

    12.     Somayeh Ershadi, f. 1981 í Íran.

    13.     Carla Sofia de Jesus Vieira Almeida, f. 1980 í Portúgal.

    14.     Marcela Quental da Silva, f. 1966 í Angóla.

    15.     Hong Thu Thi Tran, f. 1959 í Víetnam.

    16.     Diley Ojeda Linares, f. 1967 á Kúbu.

    17.     A Kaewkong, f. 1982 í Taílandi.

    18.     Arkadiusz Patryk Szacon, f. 1982 í Póllandi.

    19.     Ferid Tabaku, f. 1980 í Kósóvó.

    20.     Jessica Sól Hausner Helgudóttir, f. 1984 í Þýskalandi.

    21.     Nattaphong Phromprasith, f. 1983 í Taílandi.

    22.     Phetchada Khongchumchuen, f. 1960 í Taílandi.

    23.     Stanko Dorovic, f. 1982 í Serbíu.

    24.     Mehdi Kavyanpoor, f. 1958 í Íran.