Atli: Við vorum til skammar

„Það var hreinlega valtað yfir okkur í dag og ömurlegt hvernig við nálguðumst þennan leik, við vorum til skammar,“ sagði Atli Hilmarsson, þjálfari Akureyrar, en lið hans steinlá fyrir FH í 16-liða úrslitum Eimskipsbikarsins, 34-21.

„Við vorum langt á eftir þeim í hálfleik, en komum sterkir út í síðari hálfleikinn. Náum að minnka muninn þrjú mörk en missum FH-ingana aftur of langt frá okkur og þá gefast menn upp“.

„Við erum að nýta færin illa en við fáum fullt af dauðafærum í þessum leik sem misfarast. Það var erfitt að vera svona mikið einum færri og það varð okkur í raun að falli í dag“.