KR-konur byrja tímabilið af krafti - myndir

Kvennalið KR hefur unnið þrjá fyrstu leiki sína í Iceland Express deild kvenna eftir að liðið vann 79-72 sigur á Snæfelli í DHl-höllinni í gær. KR-liðið lagði grunninn að sigrinum í öðrum og þriðja leikhlutanum sem KR-konur unnu með 13 stiga mun.

Reyana Colson skoraði 29 stig fyrir KR og Sigrún Sjöfn Ámundadóttir var með 20 stig og 10 fráköst. Þær fiskuðu auk þess saman 17 villur.

Kieraah Marlow skoraði 23 stig fyrir Snæfell, Alda Leif Jónsdóttir var með 16 stig og 75 prósent skotnýtingu og Hildur Sigurðardóttir bætti við 11 stigum, 5 fráköstum og 6 stoðsendingum á móti sínum gömlu félögum.

Anton Brink, ljósmyndari Fréttablaðsins og Vísis, var á leiknum í DHL-höllinni í gær og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.