Game Of Thrones tekið upp hér á landi í lok nóvember

Tökur á einum umtalaðasta þætti Bandaríkjanna um þessar mundir, Game of Thrones, munu fara fram að hluta til hér á landi, nánar tiltekið í Ríki Vatnajökuls, í lok nóvember næstkomandi.

Þetta kemur fram á vefsíðu ríkis vatnajökuls. Þættirnir hafa slegið í gegn vestanhafs en það er sjónvarpsrisinn HBO sem framleiðir þættina sem eru sýndir á Stöð 2.

Á vefsíðunni segir að framleiðslufyrirtækið Pegasus sjái um tökuliðið hér á landi en nú er verið að leita að aukaleikurum til að leika í þáttunum hér á landi. Verið er að leita að bæði konum og körlum og þurfa karlarnir þá helst að vera skeggjaðir og vígalegir. Áhugasamir geta sent tölvupóst á sara hjá pegasus.is.



Vefsíða Ríkis Vatnajökuls.