Góð veiði á svæðum SVFK

Það eru fleiri svæði að gefa góða veiði þessa dagana hjá SVFK.  Það berast reglulega fréttir af stórfiskum fyrir austann og ein af þeim ám sem hefur verið í góðum gír eru Fossálarnir.  Hér er önnur frétt frá SVFK og það er nokkuð víst að menn þurfa greinilega að skoða þessi svæði fyrir næsta tímabil og hafa þá hraðar hendur því mikil eftirspurn hefur verið eftir leyfum á þessi svæði.  Hér er frétt af SVFK:

"Þeir voru við veiðar í Fossálunum dagana 6.-8. okt. þeir Kristinn G. Þormar, Magnús K. Þormar, Sigfús G. Þormar og Sigurjón G. Arnarsson. Kristinn só á þráðinn til okkar og sagði að þeir hefðu veitt nokkuð  vel við erfiðar aðstæður þar sem nánast ekkert hefði verið hægt að veiða fyrstu og síðustu vaktina sökum vatns og veðurhams. Heili dagurinn hefði reynst drjúgur þó mikið vatn hefði verið og náðust á land 11 fiskar. Fiskarnir fengust á svæði 8, 12, 14 og syðri-ál. Stærstur var fiskur Sigurjóns sem fékkst á veiðistað 8 og vó hann 4,6 kg".