Kristján Örn framlengdi til þriggja ára við Hönefoss

Knattspyrnukappinn og landsliðsmaðurinn Kristján Örn Sigurðsson skrifaði í dag undir nýjan samning við norska félagið Hönefoss. Samningurinn er til þriggja ára.

Kristján gekk í raðir Hönefoss árið 2010 og hefur spilað sem miðvörður fyrir félagið sem leikur í næstefstu deild. Félagið á í mikilli baráttu um að tryggja sér sæti í efstu deild. Liðið hefur 43 stig líkt og Sandefjörd og Sandnes Ulf þegar sex umferðir eru óleiknar.

Arnór Sveinn Aðalsteinsson er einnig á mála hjá Hönefoss en hann er í láni frá Breiðabliki.