Heimir Guðjónsson: Hárrétt hjá Ferguson að láta Tevez fara

Heimir Guðjónsson þjálfari FH var harðorður í umræðuþætti á Stöð 2 sport þegar hann tjáði sig um Carlos Tevez eftir leiki gærkvöldsins í Meistaradeildinni.

Það hefur vart farið framhjá neinum að Argentínumaðurinn neitaði að koma inná sem varamaður þegar um hálftími var eftir af leik Manchester City gegn Bayern München í Þýskalandi.

Heimir sagði m.a. að Sir Alex Ferguson knattspyrnustjóri Manchester United hafi tekið rétta ákvörðun að láta Tevez fara frá Man Utd

á sínum tíma. "Þó að Tevez sé frábær fótboltamaður þá er ýmislegt annað að," sagði Heimir m.a í þættinum sem Arnar Björnsson stjórnaði.