Eyjastúlkur unnu upp þriggja marka forskot Vals - Grindavík fallið

Eyjastúlkur náðu ótrúlegu 4-4 jafntefli á móti Val í lokaumferð Pepsi-deild kvenna í dag en Valskonur náðu tvisvar þriggja marka forskoti í leiknum. Grindavíkurstúlkur náðu ekki að framkalla kraftaverk og eru fallnar úr Pepsi-deildinni en KR-stúlkur björguðu sæti sínu á markatölu.

Valur komst í 3-0 og 4-1 á móti ÍBV en Eyjastúlkur gáfust ekki upp og tryggðu sér 4-4 jafntefli með því að skora þrjú mörk á síðustu 25 mínútum leiksins.

Grindavík þurfti að vinna upp þrjú stig og sextán mörk á KR til þess að bjarga sér frá falli. Shaneka Gordon tryggði Grindavík 2-1 sigur með tveimur mörkum á Fylkisvelli en það var ekki nóg þótt að KR hafi tapað stórt annan leikinn í röð. KR tapaði 0-4 fyrir Þór/KA í dag og hafði tapað 0-5 fyrir Val í leiknum á undan.

Grindavík fékk á markamun þar sem að KR-liðið endaði með ellefu marka betri markatölu, 17-38 (-21) á móti 20-52 (-32). Þróttur er líka fallið úr deildinni en kvaddi Pepsi-deildina með 2-1 útisigri á Aftureldingu.



Upplýsingar um markaskorarar eru að hluta til fengnar af vefsíðunni fótbolti.net.

Úrslit og markaskorar í Pepsi-deild kvenna í dag:

Fylkir-Grindavík    1-2

1-0 Lovísa Sólveig Erlingsdóttir (25.), 1-1 Shaneka Jodian Gordon, víti (40.),1-2 Shaneka Jodian Gordon (78.)

Valur-ÍBV    4-4

1-0 Björk Gunnarsdóttir (3.), 2-0 Sjálfsmark (5.), 3-0 Björk Gunnarsdóttir (25.), 3-1  Berglind Björg Þorvaldsóttir (36.), 4-1 Kristín Ýr Bjarnadóttir (63.), 4-2 Danka Podovac (66.), 4-3 Berglind Björg Þorvaldsóttir (84.), 4-4 Danka Podovac  (87.)

Stjarnan-Breiðablik    5-0

1-0 Ashley Bares (30.), 2-0 Gunnhildur Yrsa Jónsdóttir (51.), 3-0 Harpa Þorsteinsdóttir (53.), 4-0 Soffía Arnþrúður Gunnarsdóttir (72.), 5-0 Harpa Þorsteinsdóttir (79.)

Þór/KA-KR    4-0

1-0 Sandra María Jessen (4.), 2-0 Manya Makoski (28.), 3-0 Marie Perez Fernandez (43.), 4-0 Diane Caldwell (77.)

Afturelding-Þróttur R.    0-2

0-1 Soffía Kristinsdóttir (71.), 0-2 Gunnhildur Ásmundsdóttir (82.), 1-2 Carla Lee (90.)