Laufey og Rakel: Vorum með reynsluna á bak við okkur

Laufey Ólafsdóttir og Rakel Logadóttir áttu báðar fínan dag þegar Valskonur tryggðu sér bikarmeistaratitilinn þriðja árið í röð með 2-0 sigri á KR í úrslitaleiknum. Rakel skoraði fyrsta mark leiksins og Laufey var mjög öflug á miðjunni.

„Við vorum betri og skoruðum fleiri mörk og þá vinnur maður," sagði Rakel Logadóttir eftir leikinn.

„Við duttum aðeins niður í smá stress en við erum með reynsluna á bak við okkur og það var það sem vann með okkur í dag," sagði Rakel.

„Við áttum að skora fleiri mörk í seinni hálfleiknum," bættti Laufey við og Rakel tók undir það.

Rakel er mjög sátt við að Laufey sé komin aftur á fullt í boltann en Laufey tók fram skóna aftur um mitt sumar.

„Ég elska það að Laufey sé komin aftur því það er ekkert smá gaman að spila með henni. Þetta er besta vinkonan mín," sagði Rakel og þær voru ekki að vinna bikarinn í fyrsta skiptið á sigursælum ferlum sínum.

„Við höfum gert þetta saman mörgum sinnum áður og förum bara að komast í tveggja stafa tölu," sagði Laufey í léttum tón áður þær stöllur hlupu í myndatöku með restinni af Valsliðinu.

Það má sjá allt viðtalið með því að smella hér fyrir ofan.