Gunnleifur: Konan hefði ekki verið ánægð með tap

„Ég er bara bjartsýnn, það þýðir ekkert annað eftir þennan leik í kvöld," sagði Afmælisbarnið, Gunnleifur Gunnleifsson eftir jafnteflið við Nacional í kvöld.

„Við fengum færi til að vinna leikinn í kvöld og spiluðum mjög góðan varnarleik nánast allan tímann".

„Þetta verður erfiðara út í Portúgal en við förum þangað alveg óhræddir. Við náðum að halda boltanum innan liðsins í kvöld og þurfum ekkert að fara vonlitlir í síðari leikinn".



„Það kom aldrei til greina að tapa á afmælinu mínu, konan hefði ekki verið ánægð með mig þá," sagði Gunnleifur að lokum en hann varð 36 ára í dag.