Laxveiðin á góðu róli

Blanda er að glæðast og Norðurá hefur verið í bærilegu lagi síðustu daga. Þverá/Kjarrá opna á morgun og uppúr helginni fer síðan skriðan af stað.

„Það eru mjög hressir veiðimenn við Blöndu núna, fengu 12 í gær og voru komnir með 16 eftir tvo daga á hádegi. Þetta er fyrsta alvöru lífsmarkið síðan við opnuðum ána þann 5.júní. Menn hafa bara verið að kroppa einn og einn síðan, en þessi afli lofar góðu með framhaldið. Þar með eru komnir 36 laxar á land, allt tveggja ára fiskur utan einn í opnuninni og það er alveg viðunandi á fjórar stangir,“ sagði Stefán Sigurðsson hjá Lax-á um ástandið í Blöndu.

Meira á https://www.votnogveidi.is/frettir/eru-thau-ad-faann/nr/3854

Birt með góðfúslegu leyfi Vötn og Veiði