Alonso fljótastur á lokaæfingunni, en Rosberg fékk harðan skell

28. maí 2011 10:26

Vettvangur Formúlu 1 mótsins í Mónakó. Fernando Alonso náði besta tíma í morgun eins og á seinni æfingunni á fimmtudaginn, en myndin var tekin þann daginn. Mynd: Getty Images/Mark Thompson

Fernando Alonso á Ferrari var með besta tíma á lokaæfingu Formúlu 1 liða í Mónakó í dag, en tímatakan fer fram í hádeginu og hefst bein útsending frá henni á Stöð 2 Sport kl. 11.45.

Nico Rosberg hjá Mercedes fékk harðan skell á æfingunni sem fór fram í blíðskaparverði. Bíll hans snerist skyndilega, trúlega þegar afturhjólin læstust við hemlun, þegar hann kom út úr undirgöngunum á brautinni. Bíllinn lenti á varnarvegg og þeyttist eftir brautinni með annað framhjólið danglandi í öryggiskeðjum sem eiga varna því að það losni við óhapp. Rosberg slapp ómeiddur.

Tonio Liuzzi hjá Hispania lenti líka í vanda og snerist utan á varnarvegg í beygju eftir beinasta kafla brautarinnar og bíll hans laskaðist mikið.

Alonso varð 0.563 sekúndum fljótari en Jenson Button hjá McLaren á æfingunni, en Felipe Massa á Ferrari varð 0.591 á eftir. Sigurvegari mótsins í fyrra, Mark Webber á Red Bull náði sjöunda besta tíma.

Tímarnir á æfingunni frá autosport.com.

1.  Fernando Alonso     Ferrari               1m14.433s            18

 2.  Jenson Button       McLaren-Mercedes      1m14.996s  + 0.563s  17

 3.  Felipe Massa        Ferrari               1m15.024s  + 0.591s  19

 4.  Sebastian Vettel    Red Bull-Renault      1m15.245s  + 0.812s  19

 5.  Michael Schumacher  Mercedes              1m15.310s  + 0.877s  21

 6.  Lewis Hamilton      McLaren-Mercedes      1m15.386s  + 0.953s  14

 7.  Mark Webber         Red Bull-Renault      1m15.529s  + 1.096s  19

 8.  Jaime Alguersuari   Toro Rosso-Ferrari    1m16.617s  + 2.184s  13

 9.  Sebastien Buemi     Toro Rosso-Ferrari    1m16.736s  + 2.303s  15

10.  Sergio Perez        Sauber-Ferrari        1m16.821s  + 2.388s  19

11.  Paul di Resta       Force India-Mercedes  1m16.990s  + 2.557s  20

12.  Rubens Barrichello  Williams-Cosworth     1m17.196s  + 2.763s  13

13.  Pastor Maldonado    Williams-Cosworth     1m17.333s  + 2.900s  17

14.  Kamui Kobayashi     Sauber-Ferrari        1m17.403s  + 2.970s  18

15.  Vitaly Petrov       Renault               1m17.779s  + 3.346s  17

16.  Nick Heidfeld       Renault               1m17.880s  + 3.447s  17

17.  Adrian Sutil        Force India-Mercedes  1m18.069s  + 3.636s  17

18.  Heikki Kovalainen   Lotus-Renault         1m18.115s  + 3.682s  20

19.  Timo Glock          Virgin-Cosworth       1m18.580s  + 4.147s  21

20.  Jerome D'Ambrosio   Virgin-Cosworth       1m18.808s  + 4.375s  21

21.  Jarno Trulli        Lotus-Renault         1m19.259s  + 4.826s  19

22.  Tonio Liuzzi        HRT-Cosworth          1m20.115s  + 5.682s  15

23.  Narain Karthikeyan  HRT-Cosworth          1m20.278s  + 5.845s  16

24.  Nico Rosberg        Mercedes